Lesendum Nyhedsavisen fjölgaði mikið milli mánaða í maí og bættust 100 þúsund manns
í hópinn, sem telur nú samtals 391 þúsund lesendur. Blaðið var eina blaðið í Danmörku sem bætti við sig lesendum á tímabilinu og er Nyhedsavisen nú komið yfir Berlingske Tidende (334 þúsund), BT (351 þúsund) og Ekstra Bladet (370 þúsund) í lestri.
Gunnar Smári Egilsson, forstjóri Dagsbrun Media, er að vonum ánægður með niðurstöður könnunarinnar, en segir þó tölurnar ekki gefa alveg rétt mynd af þróuninni.
?Þetta er frábær könnun fyrir okkur. Stökkið er þó óvenju hátt þar sem lestur allra dönsku blaðanna fór mjög mikið niður í mars-apríl vegna páskafría og fækkaði þá lesendum okkar um 55 þúsund. Ef við miðum hins vegar maí við mars þá hefur lesendum okkar fjölgað um 45 þúsund manns, en á sama tímabili hafa hins vegar hin blöðin tapað lesendum. Nú eru við í fyrsta sinn stærsta blaðið ef Árhús, Óðinsvé og Kaupmannahöfn eru tekin saman,? segir Gunnar sem þakkar viðskiptamódeli blaðisins þennan mikla vöxt.
?Við eru í raun eina blaðið sem er í aðstöðu til þess að stækka á markaðinum. Lesendum áskriftarblaðanna fækkar hægt og rólega vegna samkeppninnar við bæði netið og fríblöðin. Urban og Metro, sem stóla á staðbundna dreifingu, hafa einnig verið að minnka vegna samkeppninnar við heimadreifðu fríblöðin. Eftir að Dato hætti hefur 24 Timer dregið sig úr heimadreifingu vegna kostnaðar þar sem Dato greiddi að stórum hluta niður kostnað þeirra. Þannig Nyhedsaviser er eina blaðið sem er að vaxa og eina blaðið sem getur vaxið,?