Nýi Glitnir og útgerðin Ós ehf. í Vestmannaeyjum hafa komist að samkomulagi um fjármögnun 39 metra togveiðiskips, Þórunni Sveinsdóttur VE.
Skrifað var undir samning þess efnis 2007 en vegna breytinga í fjármálaumhverfi á Íslandi var samningurinn í uppnámi.
Þetta kemur fram í fréttatilkynningu frá Nýja Glitni. Í tilkynningunni segir Birna Einarsdóttir, bankastjóri Nýja Glitnis, að þetta sé mikilvægt fyrir bankann að finna að hann njóti trausts til að fjármagna svo stórt verk sem snýr að grunnatvinnuvegi landsins.
