Erlendir fjárfestar, sem starfa aðallega í Suður-Ameríku, hafa nýverið lagt umtalsvert fé í nýsköpunarfyrirtækið OZ. Þetta kemur fram í frétt á vef mbl.is .
Guðjón Már Guðjónsson, stofnandi Oz, segir í Morgunblaðinu í dag tíðindin afar ánægjuleg. Hann segir að þeim hafa tekist þrátt fyrir gjaldeyrishöftin og mikla umræðu um endalausar hindranir nýsköpunarfyrirtækja að fá mjög fjársterka og spennandi fjárfesta inn í félagið, meira að segja frá löndum sem eru ekki með tvísköttunarsamninga við Ísland.
Guðjón Már gat ekki staðfest hvað fjárfestarnir lögðu til mikið fé.