*

þriðjudagur, 7. júlí 2020
Fólk 9. júní 2020 15:43

Nýir meðeigendur hjá PWC

Magnús Már Vignisson og Sara Henný H. Arnbjörnsdóttir eru nýir meðeigendur Pwc.

Ritstjórn
Magnús Már Vignisson og Sara Henný H. Arnbjörnsdóttir.
Aðsend mynd

Nýlega bættust tveir nýir meðeigendur við eigendahóp PricewaterhouseCoopers ehf. (PwC) á Íslandi, en það eru þau Magnús Már Vignisson og Sara Henný H. Arnbjörnsdóttir. Frá þessu er sagt í fréttatilkynningu. Eigendur félagsins eru núna 18 talsins, samkvæmt heimasíðu félagsins.

Magnús Már Vignisson er löggiltur endurskoðandi. Magnús Mar hóf störf hjá PwC árið 2011 og hefur síðan þá unnið á endurskoðunarsviði PwC. Hann lauk meistargráðu í endurskoðun og reikningsskilum frá Háskóla Íslands árið 2014 og hlaut löggildingu til endurskoðunarstarfa árið 2016.

Magnús Már hefur undanfarin ár verið verkefnisstjóri í sumum af stærstu endurskoðunarverkefnum PwC, einkum fjármálafyrirtækjum. Jafnframt hefur hann verið í endurskoðunarteymum fjármálafyrirtækja hjá PwC í Svíþjóð.

Sara Henný H. Arnbjörnsdóttir er löggiltur endurskoðandi. Sara hóf störf hjá PwC árið 2008, fyrst sem móttökuritari en síðar á endurskoðunarsviði félagsins. Hún lauk meistaragráðu í endurskoðun og reikningsskilum frá Háskóla Íslands árið 2012 og hlaut löggildingu til endurskoðunarstarfa árið 2017.

Sara Henný hefur undanfarin ár verið verkefnisstjóri í sumum af stærstu endurskoðunarverkefnum PwC, einkum skráðum félögum og einingum tengdum almannahagsmunum.