Svanþór Laxdal hefur verið ráðinn fjármálastjóri hjá auglýsingastofunni Pipar\TBWA en hann hóf störf í byrjun októbermánaðar. Svanþór tekur við starfinu frá Önnu Svövu Sverrisdóttur sem hættir eftir um 25 ár í starfi.
Svanþór nam viðskiptafræði við Háskólann á Akureyri og meistaranám í stjórnun og stefnumótun við Háskóla Íslands. Svanþór hefur auk þess víðtæka reynslu úr auglýsingageiranum en þar hefur hann starfað í um 11 ár, þar af tíu ár hjá Expo auglýsingastofu og eitt ár hjá Vert - markaðsstofu.
,,Mér finnst gaman að takast á við ný og krefjandi verkefni og vinna í skapandi umhverfi með ólíkum einstaklingum og það er óhætt að segja að starfsfólkið á Pipar sé skapandi og kraftmikið, sem mun gæða lífi í starfið mitt,” segir Svanþór.
