*

sunnudagur, 26. september 2021
Fólk 28. júlí 2020 16:06

Nýr formaður kvikmyndaráðs

Sigurjón Sighvatsson, kvikmyndaframleiðandi, er nýr formaður kvikmyndaráðs en hann er skipaður til þriggja ára án tilnefningar.

Ritstjórn
Sigurjón Sighvatsson, kvikmyndaframleiðandi.
Haraldur Guðjónsson

Sigurjón Sighvatsson, kvikmyndaframleiðandi, hefur verið skipaður formaður átta manna kvikmyndaráðs af Lilju Alfreðsdóttur, mennta- og menningarmálaráðherra. Frá þessu er greint í fréttatilkynningu frá Stjórnarráðinu.

Samkvæmt kvikmyndalögum er kvikmyndaráð stjórnvöldum og Kvikmyndamiðstöð Íslands til ráðgjafar um málefni kvikmynda og gerir tillögur til ráðherra um stefnu og markmið opinberra aðgerða á sviði kvikmyndalistar. 

„Sem listgrein stendur kvikmyndagerð á tímamótum. Hér á landi hefur mótast burðug atvinnugrein sem stenst fyllilega alþjóðlegan samanburð. Árangurinn er staðfestur með vaxandi fjölda tilnefninga og þátttöku íslenskra kvikmynda á virtum hátíðum um allan heim. 

Fleiri íslenskir leikstjórar og höfundar feta inn á nýjar og ótroðnar slóðir og okkur er ljúft og skylt að tryggja bestu mögulegu aðstæður fyrir íslenska kvikmyndagerð til að vaxa og dafna,“ er haft eftir Lilju Alfreðsdóttur í fréttatilkynningunni. 

Ráðherra skal skipa átta fulltrúa í kvikmyndaráð til þriggja ára í senn, formann án tilnefningar, en hina sjö samkvæmt tilnefningum. Auk Sigurjóns eru í ráðinu Margrét Örnólfsdóttir, varaformaður og tilnefnd af Félagi leikskálda og handritshöfunda, Anna Þóra Steinþórsdóttir tilnefnd af Félagi kvikmyndagerðarmanna, Lilja Ósk Snorradóttir tilnefnd af Framleiðendafélaginu - SÍK, Ragnar Bragason tilnefndur af Samtökum kvikmyndaleikstjóra, Lilja Ósk Diðriksdóttir tilnefnd af Félagi kvikmyndahúsaeigenda, Bergsteinn Björgúlfsson tilnefndur af Bandalagi íslenskra listamanna og Birna Hafstein tilnefnd af Félagi íslenskra.