Í apríl 2011 voru skráð 145 ný einkahlutafélög (ehf) samanborið við 119 einkahlutafélög í apríl 2010, sem jafngildir um 22% fjölgun á milli ára. Eftir bálkum atvinnugreina voru flest einkahlutafélög skráð í Heild- og smásöluverslun, viðgerðir á vélknúnum ökutækjum. Heildarfjöldi nýskráðra einkahlutafélaga er 588 fyrstu 4 mánuði ársins og eru nýskráningar jafn margar og á sama tímabili árið 2010.

Gjaldþrotum fjölgar

Í apríl 2011 voru 83 fyrirtæki tekin til gjaldþrotaskipta samanborið við 66 fyrirtæki í apríl 2010, sem jafngildir um 26% fjölgun á milli ára. Eftir bálkum atvinnugreina voru flest gjaldþrot í Fjármála- og vátryggingastarfsemi. Fyrstu 4 mánuði ársins 2011 er fjöldi gjaldþrota 519 sem er um 44% aukning frá sama tímabili árið 2010 þegar 360 fyrirtæki voru tekin til gjaldþrotaskipta.

Hagstofan birtir tölum um nýskráningar og gjaldþrot í dag.