*

sunnudagur, 5. júlí 2020
Fólk 30. maí 2018 12:52

Óæskileg hegðun veldur afsögn

Jakob Ásmundsson hefur sagt sig úr stjórn bankans vegna óæskilegrar hegðunar.

Ritstjórn
Jakob Ásmunsson hefur ákveðið að segja sig úr stjórn Arion banka.
Haraldur Guðjónsson

Jakob Ásmundsson stjórnarmaður í Arion banka hefur ákveðið að segja sig úr stjórn bankans vegna óæskilegrar hegðunar. Þetta kemur fram í tilkynningu frá Jakobi.

Atvikið átti sér stað síðastliðinn fimmtudag í gleðskap á vegum bankans þar sem Jakob að eigin sögn segist hafa drukkið of mikið áfengi og farið yfir strikið í samskiptum sínum við starfsmenn og viðskiptavini. 

Hann segist hafa sagt hluti sem voru honum ekki samboðnir og vill axla ábyrgð með afsögn sinni úr stjórn bankans. Í lokinn segir Jakob að bankinn sé í söluferli og mikilvægt sé að vel takist til.