*

fimmtudagur, 20. júní 2019
Erlent 6. nóvember 2015 17:21

Obama stöðvar byggingu olíuleiðslu frá Kanada

Bandaríkjaforseti hyggst setja tóninn fyrir aukinni meðvitund um loftslagsmál á leiðtogafundi Sameinuðu þjóðanna.

Ritstjórn
european pressphoto agency

Barack Obama Bandaríkjaforseti tilkynnti í dag að hann hefði neitað umsókn kanadíska olíufyrirtækisins Keystone um byggingu 1.900 kílómetra langrar olíuleiðslu.

Hefði leiðslan verið byggð hefði hún flutt því sem um nemur 800 þúsund olíutunnum á dag til Bandaríkjanna.

Í tilkynningu frá Hvíta húsinu segir Obama að áhrif leiðslunnar á bandaríska hagkerfið hefðu ekki verið nægileg til þess að réttlæta mætti áhrifin sem leiðslan hefði á loftslagið.

Obama vonast með þessari neitun, sem var að mestu táknræn, til að setja tóninn fyrir leiðtogafund Sameinuðu þjóðanna sem haldinn verður í desember næstkomandi - og mun einmitt fjalla sérstaklega um loftslagsmál.

Ekki eru allir sáttir við neitunina, og sérstaklega hefur Repúblikanaflokkurinn bandaríski sem og lykiláhrifavaldar í bandarískum olíuiðnaði látið í sér heyra.

25 ára afmælistilboð VB – 50% afsláttur af áskrift

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti.
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir í 4 mánuði. Áskrifendur fá Viðskiptablaðið, Frjálsa verslun og Fiskifréttir sent ásamt vefaðgangi að vb.is og fiskifrettir.is