Ólafi William Hand, sem starfað hefur sem forstöðumaður markaðsmála á alþjóðasviði Eimskips og upplýsingafulltrúi félagsins, var sagt upp störfum samhliða breytingum á skipuriti félagsins og ráðningu nýs forstjóra í janúar.
Ólafur hefur verið upplýsingafulltrúi Eimskip í áratug. Samkvæmt upplýsingum frá Eimskip mun hann starfa að ákveðnum verkefnum hjá Eimskip fram á vor. Elín Hjálmsdóttir, mannauðsstjóri Eimskips, tekur við starfi upplýsingafulltrúa og Matthías Matthíasson, framkvæmdastjóri söluog markaðssviðs, mun vera í forsvari fyrir markaðsdeild félagsins.
