Ólafur Ólafsson, fjárfestir og athafnamaður, hefur stefnt embætti ríkissaksóknara og íslenska ríkinu fyrir héraðsdóm Reykjavíkur. Þetta kemur fram í frétt Vísis .
Ólafur skrifar pistil sem birtist í Fréttablaðinu í morgun, þar sem að hann krefst þess að synjun endurupptökunefndar verði felld úr gildi og að það verði að skilyrði að ósk hans um endurupptöku Al-Thani málsins sé uppfyllt og að málið verði tekið aftur fyrir.
Ólafur var sakfelldur í Hæstarétti í febrúar 2015 fyrir hlutdeild hans í markaðsmisnotkun, en var hins vegar sýknaður af sakargiftum um hlutdeild í umboðssvikum og um hylmingu og peningaþvætti í Al-Thani málinu.
Réttur dómur
Ólafur segir í viðtali við Fréttablaðið að þetta sé fyrst og fremst tilraun til þess að fá rétta niðurstöðu í málið, réttan dóm. Ólafur ber jafnframt ekki traust til dómsins og telur að hann sé rangur. Hann telur dómarana réttilega vanhæfa til að fjalla um þetta mál og því sé það mikilvægt að málið fari aftur fyrir Hæstarétt.
Fram kemur í frétt Vísis að við meðferð málsins hjá endurupptökunefnd þá þurfti tveir nefndarmenn af þremur sæti vegna vanhæfis, en deilt er um vanhæfi þriðja nefndarmannsins. Í stefnu Ólafs eru færð rök fyrir því að niðurstaða endurupptökunefndar sé efnislega rögn, illa rökstudd og í misræmi við gögn sem lögð voru fyrir.
Stefnan hefur verið afhent Ríkissaksóknara og Innanríkisráðherra. Stefnan er nú til meðferðar hjá ríkislögmanni sem rekur dómsmálið fyrir ríkið og stofnanir þess.
