*

mánudagur, 23. september 2019
Frjáls verslun 24. ágúst 2019 15:04

Ólafur Ragnar trónir á toppnum

Fyrrverandi og núverandi forsetar lýðveldisins eru tekjuhæstir í sínum flokki í Tekjublaðinu.

Ritstjórn
vb.is

Ólafur Ragnar Grímsson fyrrverandi forseti Íslands er launahæstur í flokknum forseti, alþingismenn og ráðherrar í Tekjublaði Frjálsar verslunar sem kom út á þriðjudaginn. Mánaðartekjur Ólafs námu rúmlega 3,2 milljónum á mánuði. Næstur á eftir Ólafir er núverandi forseti lýðveldisins, Guðni Th Jóhannesson með um 2,8 milljónir á mánuði.

Tekjuhæstu einstaklingarnir í flokknum forseti, alþingismenn og ráðherrar:

  1. Ólafur Ragnar Grímsson, fv. forseti Íslands 3,253 milljónir
  2. Guðni Th Jóhannesson, forseti Íslands 2,811 milljónir
  3. Katrín Jakobsdóttir, forsætisráðherra 2,165 milljónir
  4. Sigurður Páll Jónsson, alþm. 2,117 milljónir
  5. Steingrímur J. Sigfússon, forseti Alþingis 1,948 milljónir

Útreikningar Frjálsrar verslunar byggja á útsvarsskyldum tekjur á árinu 2018 og þurfa þær ekki að endurspegla föst laun viðkomandi. Munurinn getur falist í launum fyrir setu í nefndum og önnur aukastörf og hlunnindi vegna kaupréttarsamninga. Í launum sumra kann að vera falinn bónus vegna starfa á fyrri ára. Miðað er við útsvarsstofn samkvæmt álagningarskrá. Í tölunum eru ekki fjármagnstekjur, t.d. af vöxtum, arði eða sölu hlutabréfa. Sleppt er skattfrjálsum dagpeningum, bílastyrkjum og greiðslum í lífeyrissjóði.

Tekjublað Frjálsrar verslunar er komið út. Finna má blaðið á helstu sölustöðum en einnig má panta eintak hér