Búið er að ganga frá kaupsamningi um kaup Olís á öllu hlutafé Mjöll Frigg ehf. Seljendur eru Ölgerðin Egill Skallagrímsson hf. og stjórnendur Mjallar Friggjar. Kaupsamningur er gerður með fyrirvara um áreiðanleikakönnun og samþykki Samkeppniseftirlitsins.
Mjöll Frigg er stærsti framleiðandi á hreinlætisvörum á Íslandi samkvæmt upplýsingum á vef félagsins. Tekjur þess námu 663 milljónum króna árið 2018 og hjá því starfa fimmtán starfsmenn í dag.
Í tilkynningu frá Olís segir að kaupin séu til samræmis við stefnu félagsins um að veita veita viðskiptavinum sínum betri og víðtækari þjónustu.
