Úrvalsvísitala Kauphallar Nasdaq Iceland lækkaði um 0,1% í dag og stendur nú í 1.797,05 stigum. Heildarvelta á mörkuðum nam 5,9 milljörðum króna, þar af var veltan á hlutabréfamarkaði 1,6 milljarðar og á 4,3 milljarðar á skuldabréfamarkaði.

Gengi bréfa N1 og Sjóvá hækkaði talsvert í dag. Skeljungur hækkaði um 4,3% í 171,9 milljón króna viðskiptum og einnig hækkaði gengi hlutabréfa N1 um 2,89% í 227,6 milljón króna viðskiptum. Gengi bréfa Nýherja hækkaði sömuleiðis í dag eða um 3,32% í 72,2 milljón króna viðskiptum.

Vísitölur GAMMA

Markaðsvísitala GAMMA hækkaði um 0,1% í dag í 5,6 milljarða viðskiptum. Hlutabréfavísitala GAMMA lækkaði um 0,1% í dag í 1,4 milljarða viðskiptum.

Skuldabréfavísitala GAMMA hækkaði um 0,1% í dag í 2,8 milljarða viðskiptum. Verðtryggði hluti vísitölunnar hækkaði um 0,2% í 1 milljarðs viðskiptum og óverðtryggði hluti vísitölunnar hækkaði um 0,1% í 1,8 milljarða viðskiptum. Vísitala fyrirtækjaskuldabréfa hækkaði um 0,1% í dag í 1,4 milljarða viðskiptum.