Olíuverð hefur ekki verið hærra í níu mánuði. Ástæðan vaxandi áhyggjur af stöðunni í Írak.
Herskáir íslamistar í Írak hafa á síðustu dögum fikrað sig í átt að Bagdad.
Á þriðjudag náðu þeir Mosul, annarri stærstu borg landsins á sitt vald, og á miðvikudag náðu þeir Tíkrit, fæðingarborg Sadams Hussein. Tíkrit er aðeins í 150 kílómetra fjarlægð frá Bagdad.
Norðursjávarolía hefur hækkað um 3% í dag, í 113,27 dali tunnan.