*

laugardagur, 31. júlí 2021
Innlent 6. febrúar 2006 10:05

Öll tilboð yfir kostnaðaráætlun

Ritstjórn

Um helgina voru opnuð tilboð í gatnagerð og lagnir í gamla miðbænum í Borgarnesi. Þrjú tilboð bárust og voru þau öll yfir kostnaðaráætlun um verkið sem hljóðaði upp á 42,1 milljón króna. Lægsta tilboðið var frá Borgarverki ehf. kr. 54,4 milljónir, eða tæplega 30% yfir kostnaðaráætlun að því er segir í frét á vef Skessuhornsins.

Einnig bárust tilboð frá Jörva hf. á Hvanneyri kr. 60,9 m. og frá Vélaleigu Sigurðar Arelíussonar kr. 64,5 m. Þá hafa einnig verið opnuð tilboð í veitulagnir við Stöðulsholt. Borgarverk ehf. átti þar einnig lægsta boð, eða krónur 5,4 milljónir sem var 89% af kostnaðaráætlun Orkuveitunnar, sem hljóðaðið upp á um 6 milljónir kr. Fjögur önnur tilboð bárust og var það hæsta 198% yfir kostnaðaráætlun segir í frétt Skessuhornsins.