Icelandair Group verður tekið út úr OMXI6 vísitölunni í íslensku Kauphöllinni eftir áramót en í stað félagsins mun færeyska flugfélagið Atlantic Airways koma inn.
Þetta kemur fram í tilkynningu frá Kauphöllinni vegna endurskoðunar á samsetningu OMX Iceland 6 vísitölunnar sem gerð er tvisvar á ári. Ný samsetning vísitölunnar tekur gildi 4. janúar 2010.
OMX Iceland 6 vísitalan er Úrvalsvísitala NASDAQ OMX Iceland (Kauphallarinnar). Vísitalan er samsett af þeim 6 félögum sem mest viðskipti eru með í Kauphöllinni. Vægi félaga í OMXI6 vísitölunni ræðst af flotleiðréttu markaðsvirði og er samsetning hennar endurskoðuð tvisvar á ári.
Eftirfarandi samsetning OMXI6 vísitölunnar verður sem hér segir:
- Atlantic Petroleum P/F
- Bakkavör Group hf.
- Føroya Banki P/F
- Marel Food Systems hf.
- P/F Atlantic Airways
- Össur hf.
