Heildarvelta í Kauphöll Íslands var 2.776 milljarðar sem jafngildir 11,2 milljarða veltu á dag.  Rúm 98% veltunnar var með skuldabréf og er því meðal dagsveltan með skuldabréf tæpir 11 milljarðar.

Þetta kemur fram í ársyfirliti Kauphallarinnar en í upphafi árs hóf Kauphöllin að reikna nýja Úrvalsvísitölu, OMXI6, og lækkaði hún um 18,5% á árinu en Heildarvísitala Kauphallarinnar hefur lækkað um 14,7% á sama tíma.

Tvær atvinnugreinavísitölur hækkuðu á árinu, vísitala heilbrigðisgeira um 55% og vísitala nauðsynjavara um 30%.

Á skuldabréfamarkaði var MP Banki með mestu hlutdeildina eða 32%. Næstir koma Íslandsbanki með 28% og NBI með 14%. Á hlutabréfamarkaði var það Arion banki (áður Kaupþing) sem var með mestu hlutdeildina eða 28% en í kjölfarið fylgdu MP Banki með 18% og Saga Capital með 16% hlutdeild.

Á skuldabréfamarkaðnum voru mest viðskipti með ríkisskuldabréf eða fyrir 1.647 milljarða en þar á eftir fylgja íbúðabréfin með 928 milljarða veltu. Í árslok höfðu 64 útgefendur alls 189 flokka skuldabréfa skráða í Kauphöllinni.

Í töflunni hér að neðan má sjá veltu með skuldabréf eftir „veltulistum/flokkum“ og einnig þau fimm skuldabréf sem mest viðskipti voru með ásamt ávöxtunarkröfu þeirra.

Velta eftir tegund í milljónum króna:

  • Ríkisbréf                                     1.646.727
  • Íbúða- og Húsnæðisbréf            928.418
  • Ríkisvíxlar                                       123.447
  • Skuldabréf fyrirtækja                       13.190
  • Skuldabréf sveitarfélaga og LSS    6.106
  • Skuldabréf, Erlend                             5.452
  • Skuldabréf banka og sparisjóða     1.035
  • Skuldabréf lánastofnana                      562
  • Alls                                                 2.725.239

Veltumestu skuldabréf:

  • Flokkur                     Heildarvelta 2009                                       Ávöxtunarkrafa

Hæsta        Lægsta         Árslok           Br., pkt.

  • RIKB 19 0226        429.112.506.439                               9,70%         7,01%            7,88%            -185
  • RIKB 13 0517        347.497.207.433                              10,79%        6,86%            7,44%            -337
  • RIKB 10 1210        320.181.315.828                              13,03%         6,03%           7,57%            -553
  • HFF150224            274.233.237.894                               6,03%          3,65%            3,81%             -61
  • HFF150644             247.733.301.366                              4,89%          3,64%             3,79%            -29

Mesta veltan með bréf Marels

Þá kemur fram að af hlutabréfum voru mest viðskipti með bréf Marels eða fyrir 14 milljarða. Magn viðskipta með hlutabréf Marels var reyndar meira í ár en í fyrra, eins og sjá má í töflunni hér að neðan, og magn viðskipta með hlutabréf Össurar var að sama skapi lítið breytt frá fyrra ári.

Veltutölur í milljónum króna:

  • Félag            Heildarvelta 2009
  • MARL            14.228.510.370
  • A                       9.311.868.976  (afskráð á árinu)
  • OSSR              9.026.669.592
  • BAKK               8.651.614.739
  • STRB               4.074.752.333  (afskráð á árinu)
  • ICEAIR             3.023.140.335

Kauphöllin segir skuldabréfamarkaðinn á árinu 2009 hafa skilað góðri ávöxtun til fjárfesta og til að mynda hækkaði vísitala Kauphallarinnar fyrir 10 ára verðtryggð skuldabréf um 18,5% á árinu, vísitala fyrir 5 ára verðtryggð skuldabréf um 17,7% og vísitala 5 ára óverðtryggðra skuldabréfa hækkaði um 21,8%.