Önnur umræða um Icesave-ríkisábyrgðina á Alþingi verður varla fyrr en í fyrsta lagi á þriðjudag, að sögn Ástu R. Jóhannesdóttur, forseta Alþingis. Nefndardagar verða á Alþingi á morgun og á mánudag.
Frumvarpið um Icesave-ríkisábyrgðina er á forræði fjárlaganefnar Alþingis. Efnahags- og skattanefnd þingsins og utanríkismálanefnd fjalla þó einnig um málið og veita umsagnir til fjárlaganefndar.
Ekki náðist í Guðbjart Hannesson, formann fjárlaganefndar þingsins, við vinnslu þessarar fréttar.
