*

miðvikudagur, 1. apríl 2020
Innlent 27. september 2017 14:46

Opna nýja mathöll á Grandagarði

Ráðgert er að opna nýja mathöll í húsnæði Sjávarklasans á Grandagarði.

Ritstjórn
Haraldur Guðjónsson

Gert er ráð fyrir því að opna nýja mathöll í húsnæði Sjávarklasans á Grandagarði. Höllin verður opnuð í ríflega 500 fermetra rými í suðvesturenda á jarðhæð húsnæðis, sem var áður notuð til þess að hýsa starfsemi HB Granda að því er kemur fram í umfjöllun um málið í Morgunblaðinu. 

Þór Sigfússon, stjórnarformaður Sjávarklasans, gerir ráð fyrir því að það verði tíu básar eða söluvagnar á svæðinu, en þar verður aðal áherslan lögð á nýjungar í hinum ýmsu göturéttum. Einnig verður þar vinnuaðstaða fyrir frumkvöðla sem tengjast sjávarútveginum. Hann segir að hugmyndin sé sótt til Copenhagen Street Food og Vippa í Ósló Noregi. Þá verði staðurinn heldur „hrárri“ en Mathöllin á Hlemmi, sem var opnuð fyrr í sumar.