Nýr veitingastaður Austurlandahraðlestarinnar opnar í Kringlunni í vikunni. Þetta verður fjórði veitingastaðurinn undir merkjum Austurlandahraðlestarinnar á höfuðborgarsvæðinu.
Forráðamenn staðarins buðu vinum og vandamönnum til vígslu staðarins á laugardag og fengu þeir að smakka á þeim réttum sem viðskiptavinum mun standa til boða í Kringlunni. Sumir eru þeir framandi á borð við pizzu með tandoori-kjúklingi.
Á meðal fjölda gesta voru þeir Luis E. Arreaga, sendiherra Bandaríkjanna á Ísland, lögmaðurinn Sveinn Andri Sveinsson og fjölmiðlamaðurinn Ásgeir Friðgeirsson.
