Bandaríska risaverslunin Wal-Mart ætlar síðar í mánuðinum að opna skiptimarkað sem gerir fólki kleift að skipta út gömlum farsímum fyrir nýja. Eins og AP-fréttastofan lýsir málinu munu farsímaeigendur fá inneign upp á 50 til 300 dali, um 6.000 til 36.000 króna, fyrir hvern þann síma sem þeir koma með. Símarnir verða að vera óskemmdir og virka. Inneignin á svo að ganga upp í nýja síma.
Skiptimarkaðurinn verður opinn í verslunum Wal-Mart vítt og breitt um Bandaríkin en ekki utan landsteina.
