*

fimmtudagur, 20. júní 2019
Innlent 14. september 2017 09:04

Opnun lúxushótels tefst um hálft ár

Nýtt fimm stjörnu hótel sem opna á við Bláa lónið tefst í framkvæmdum vegna breytinga á áætlaðri framkvæmd.

Ritstjórn
Haraldur Guðjónsson

Tafir verða á áætlaðri opnum nýs fimm stjörnu lúxushótels við Bláa lónið og verður það því ekki opnað fyrr en í byrjun næsta árs að sögn Gríms Sæmundsen forstjóra fyrirtækisins. Í upphafi var stefnt að því að í hótelinu yrðu ríflega 60 herbergi, meðal annars nokkrar svítur sem yrðu búnar einkalónum að því er Morgunblaðið greinir frá.

„Framkvæmdin í sjálfu sér er á áætlun en vegna breyttrar þarfagreingar, meðal annars vegna gríðarlegrar fjölgunar ferðamanna, ákváðum við að breyta verkefninu nokkuð og það kallar eðlilega á ákveðnar tafir,“ segir Grímur en Verktakafyrirtækið Jáverk sér um framkvæmdina.

„Til lengri tíma litið teljum við það skila meiri tekjum að ráðast með réttum hætti í framkvæmdina miðað við breyttar forsendur og því trufla tafirnar og hinn aukni kostnaður okkur ekki.“

25 ára afmælistilboð VB – 50% afsláttur af áskrift

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti.
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir í 4 mánuði. Áskrifendur fá Viðskiptablaðið, Frjálsa verslun og Fiskifréttir sent ásamt vefaðgangi að vb.is og fiskifrettir.is