Mennta- og menningarmálaráðherra hefur í dag fallist á ósk fjármálaráðherra um að Guðmundur Árnason, ráðuneytisstjóri í mennta- og menningarmálaráðuneyti, flytjist í embætti ráðuneytisstjóra í fjármálaráðuneytinu frá og með 1. nóvember 2009.
Embætti ráðuneytisstjóra í mennta- menningarmálaráðuneyti verður því auglýst laust til umsóknar og er við það miðað að unnt verði að skipa í embættið fyrir nóvemberlok. Fram að því mun Þórhallur Vilhjálmsson, skrifstofustjóri lögfræðisviðs, sinna verkefnum ráðuneytisstjóra.
