Björn Bjarnason dóms- og kirkjumálaráðherra hefur skipað Þórólf Halldórsson, sýslumann á Patreksfirði, sem sýslumann í Keflavík frá og með 15. júlí 2008.
Þetta kemur fram í tilkynningu frá dómsmálaráðuneytinu.
Guðgeir Eyjólfsson, sem skipaður hefur verið sýslumaður í Kópavogi frá og með 1. júní 2008, hefur jafnframt verið settur til að gegna sýslumannsembættinu í Keflavík til 15. júlí þegar Þórólfur tekur við.
Átta umsóknir bárust um embættið. Auk Þórólfs sóttu eftirtaldir um:
- Árni Haukur Björnsson, fulltrúi hjá sýslumanninum í Keflavík
- Ásgeir Eiríksson, fulltrúi og staðgengill sýslumannsins í Keflavík
- Brynjar Kvaran, skrifstofustjóri og staðgengill sýslumannsins í Kópavogi
- Halla Bergþóra Björnsdóttir, lögfræðingur í dóms- og kirkjumálaráðuneytinu
- Halldór Frímannsson, sérfræðingur - lögmaður á fjármálasviði Reykjavíkurborgar
- Úlfar Lúðvíksson, skrifstofustjóri og staðgengill sýslumannsins í Reykjavík
- Þuríður Árnadóttir, deildarstjóri hjá sýslumanninum í Reykjavík