*

föstudagur, 21. janúar 2022
Fólk 8. desember 2021 11:25

Örvar í eigendahóp PwC

Örvar O. Ólafsson, fyrrum fjármálastjóri Kynnisferða, er nýr meðeigandi hjá PwC.

Ritstjórn
Örvar O. Ólafsson
Aðsend mynd

Örvar O. Ólafsson bættist nýverið við eigendahóp endurskoðunarfyrirtækisins PwC. Hann hóf störf hjá PwC árið 2018 og hefur síðan þá unnið á endurskoðunarsviði en hann vann einnig hjá fyrirtækinu á árunum 2005 til 2008. Örvar stýrir í dag starfsstöð PwC í Vestmannaeyjum. 

Í tilkynningu segir að Örvar hafi unnið við endurskoðun margra öflugra fyrirtækja í viðskiptamannahópi PwC undanfarin ár, þar á meðal fyrirtækja í sjávarútvegi og ferðaþjónustu. 

Á árunum 2008-2014 starfaði Örvar sem fjármálastjóri hjá Kynnisferðum og Reykjavik Excursions. Þá hefur Örvar jafnframt komið að bókhalds- og fjármálatengdri kennslu í gegnum árin. 

Örvar lauk meistaragráðu í endurskoðun og reikningsskilum frá Háskóla Íslands árið 2009 og hlaut löggildingu til endurskoðunarstarfa árið 2016. 

Stikkorð: Ólafsson O. Örvar