Össur hf. hefur samið við Saga Capital Fjárfestingarbanka um að Saga Capital annist viðskiptavakt með hlutabréf Össurar fyrir eigin reikning Saga Capital.

Þetta kemur fram í tilkynningu til Kauphallarinnar.

Í samningi um viðskiptavakt felst að Saga Capital setur daglega fram kaup- og sölutilboð í hlutabréf Össurar í því skyni að markaðsverð skapist á hlutabréfunum og verðmyndun verði með skilvirkum og gagnsæjum hætti.

Tilboðin eru sett fram í viðskiptakerfi Nasdaq OMX, áður en markaður er opnaður og skulu ekki gilda lengur en innan dagsins.

Skilmálar viðskiptavaktasamningsins eru eftirfarandi:

  • Saga Capital skuldbindur sig til að setja daglega fram kaup- og sölutilboð í hlutabréf Össurar að lágmarki kr. 200.000 að nafnverði á verði sem Saga Capital ákveður í hvert skipti.
  • Hámarksmunur á kaup- og sölutilboðum skal ekki vera meiri en 1,25%
  • Frávik frá síðasta viðskiptaverði skal ekki vera meira en 2,0%.
  • Hámarksfjárhæð heildarviðskipta dag hvern skal vera kr. 150 milljónir að markaðsvirði.

Saga Capital mun hefja viðskiptavaktina frá og með deginum í dag,