Prófkjöri Samfylkingarinnar í Reykjavík lauk í dag. Össur Skarphéðinsson varð 1. sæti og Sigríður Ingibjörg Ingadóttir í 2. sæti. Þetta þýðir að þau leiða lista Samfylkingarinnar í sitthvoru Reykjavíkurkjördæminu líkt og þau gerðu fyrir þingkosningarnar 2013.
Í 3. sæti í prófkjörinu varð Eva H. Baldursdóttir lögfræðingur og Helgi Hörvar varð í 4. sæti. Valgerður Bjarnadóttir þingmaður endaði í 5. sæti, sem þýðir að ef flokkurinn fær svipað fylgi og 2013 þá dettur hún af þingi því Samfylkingin er í dag með fjóra þingmenn í kjördæmunum tveimur.
Úrslitin í Reykjavík:
- Össur Skarphéðsinsson.
- Sigríður Ingibjörg Ingadóttir.
- Eva Baldursdóttir.
- Helgi Hjörvar.
- Valgerður Bjarnadóttir.
- Jóhanna Vigdís Guðmundsdóttir.
- Auður Alfa Ólafsdóttir.
- Steinunn Ýr Einarsdóttir.
Samfylkingin kynnti einnig niðurstöðu í prófkjöri flokksins í Suðvesturkjördæmi. Árni Páll Árnason, fyrrverandi formaður Samfylkingarinnar, mun leiða flokkinn í því kjördæmi. Margrét Gauja Magnúsdóttir skipar 2. sætið, Sema Erla Serdar 3. sætið og Guðmundur Ari Sigurjónsson 4. sætið.
Í Norðvesturkjördæmi leiðir Guðjón S. Brjánsson lista Samfylkingarinnar og Inga Björk Bjarnadóttir skipar 2. sætið. Ólína Kjerúlf Þorvarðardóttir, þingmaður Samfylkingarinnar, sóttist eftir fyrsta sæti en lenti í því þriðja.
