Hugbúnaðarfyrirtækið OZ hefur safnað rúmlega 300 milljónum króna í hlutafé á síðustu tveimur árum. Fyrirtækið vinnur nú að þróun hugbúnaðarlausnar þar sem gerir fyrirtækinu kleift að fjarstýra upptöku á íþróttaviðburðum þar sem fjarstýrðar myndavélar geti elt bolta og leikmenn. Stefnt er að því að fjölga starfsmönnum OZ á næstu misserum.
Kári Steinn Kárason, fjármálastjóri OZ, segir reksturinn félagsins hafa gengið vel að undanförnu og tekjuvöxtur verið stöðugur. Félagið hafi lagt áherslu á vöruþróun að undanförnu og því hafi reksturinn skilað tapi en félagið geri ráð fyrir jákvæðum rekstrarniðurstöð- um áður en langt um líði. Stjórn félagsins finni fyrir síauknum áhuga fjárfesta á félaginu. Tap OZ samkvæmt síðasta birta ársreikningi félagsins vegna ársins 2016 nam 179 milljónum króna.
