*

sunnudagur, 20. júní 2021
Fólk 31. maí 2021 12:37

Perla hættir hjá Landsbankanum

Perla Ösp Ásgeirsdóttir, framkvæmdastjóri áhættustýringar Landsbankans, hefur sagt starfi sínu lausu.

Ritstjórn
Perla Ösp Ásgeirsdóttir, fráfarandi framkvæmdastjóri áhættustýringar Landsbankans.
Aðsend mynd

Perla Ösp Ásgeirsdóttir, framkvæmdastjóri áhættustýringar Landsbankans, hefur sagt starfi sínu hjá bankanum lausu og látið af störfum.  Hún hefur gengt starfinu frá árinu 2010. Í tilkynningu frá bankanum segir að Perla hafi byggt upp mjög öfluga, skilvirka og trausta áhættustjórnun hjá bankanum, m.a. með því að innleiða rauntíma upplýsingagjöf um áhættu í allri starfsemi hans. 

„Það er með stolti sem ég kveð bankann eftir ellefu viðburðarík ár þar sem ég hef öðlast mikla reynslu og unnið með frábæru fólki. Stefna og stjórnun, þar með talin áhættustjórnun, er til fyrirmyndar sem gerir Landsbankann að besta banka landsins,“ er haft eftir Perla í tilkynningu frá bankanum.

Þá þakkar segir Lilja Björk Einarsdóttir, bankastjóri Landsbankans, Perlu fyrir vel unnin störf. „Perla er kraftmikill leiðtogi sem hefur leitt áhættustýringu af framsýni og öryggi í gegnum miklar breytingar. Við höfum átt frábært samstarf, meðal annars í gegnum nýlega stefnumótun bankans og úrlausnir vegna heimsfaraldurs. Fyrir hönd starfsfólks og stjórnar bankans þakka ég Perlu kærlega fyrir mjög gott starf og óska henni velfarnaðar,“ segir Lilja Björk.