Pétur Einarsson, sem lét af forstjórastöðu Straums fjárfestingabanka í síðustu viku, mun áfram gegna starfi tengdu bankanum. Pétur greindi frá þessu í samtali við Viðskiptablaðið, sem kemur út á morgun, en vildi að öðru leyti lítið tjá sig um málið að svo stöddu.
Viðskiptablaðinu er ekki kunnugt um hvort Pétur verði starfsmaður bankans eða hvort hann muni starfa í samvinnu við hann með öðrum hætti. Nafn Péturs er ekki lengur á starfsmannalista á heimasíðu Straums.
Stjórn Straums ákvað á miðvikudag í síðustu viku að Pétur skyldi hætta sem forstjóri eftir að greint var frá því í fréttum að Pétri væri meinað að stýra fyrirtækjum eða sitja í stjórnum fyrirtækja í Bretlandi næstu fimm árin. Bannið gildir fram í febrúar 2018.
Á meðal efnis í Viðskiptablaðinu sem kemur út á morgun er :
- Tveir starfsmenn Stefnis hafa gengið til liðs við Öldu sjóði
- Skipti deila við skattinn þrátt fyrir nýfallinn svokallaðan Toyota-dóm
- Gengi bréfa Eimskips hefur hækkað um 30%
- Fleiri hótel þarf til að anna ferðamannastraumnum
- ESA segir verðtrygginguna ekki stríða gegn tilskipun ESB
- Íslandsbanki ætlar að gefa út víxla á næstu mánuðum
- Þriðjungur sveitarfélaga stendur illa undir skuldum sínum
- Samningur við Seðlabankann einskis virði í bókum FIH
- Skuldastaða þjóðarbúsins er neikvæð en viðráðanleg
- Íslandsbanki vill greiða milljarða í arð, en Arion mun ekki greiða arð til hluthafa
- Formaður VR fer yfir síðustu tvö ár hjá félaginu
- Bjarney A. Bjarnadóttir og Baldvin B. Haraldsson skrifa um fjármögnun verkefna í endurnýjanlegri orku
- Viðskiptablaðið fer yfir þrjár leiðir til að losa um snjóhengjuna
- Janne Sigurdsson, forstjóri Fjarðaáls, segir betra að vera kona á Íslandi en í Danmörku
- Videntifier Technologies hefur gert samning við Interpol
- Oft er lítill munur á fyrirtækjum í Ánægjuvoginni
- Það helsta úr VB sjónvarpi í vikunni sem leið
- Óðinn skrifar um fyrirgreiðslupólitík og kjördæmapot
- Sjónvarpsfréttamenn rifja upp fermingardaginn
- Nærmynd af Jakobi Má Ásmundssyni, nýjum forstjóra Straums
- Huginn & Muninn eru á sínum stað auk Týs
- Þá eru í blaðinu myndasíður, pistlar og margt, margt fleira