PGA mótaröðin hefur samþykkt að sameinast LIV mótaröðinni, sem er fjármögnuð af þjóðarsjóði Sádi-Arabíu.
Þetta kemur fram áCNBC en mótaraðirnar tvær hafa verið í endalausum málaferlum eftir að LIV byrjaði að sækja golf keppendur með því að bjóða þeim betri laun og hærri vinningsfé.
Með samningnum falla öll málaferli milli mótaraðanna tveggja niður. Samningurinn var undirritaður í dag en ekki hefur verið tilkynnt hvaða sameinaða mótaröðin mun heita.
DP World Tour, betur þekkt sem evrópska PGA mótaröðin, fylgir með í samningnum.
Þjóðarsjóður Sádi-Arabíu mun að sögn CNBC setja milljarða Bandaríkjadala inn í nýju mótaröðina en mikil leynd ríkir yfir samningnum að svo stöddu.