Í nýjum Þjóðarpúlsi Gallup kemur fram að Sjálfstæðisflokkurinn og Píratar eru stærstu stjórnmálaflokkar landsins.
Sjálfstæðisflokkurinn mælist með 26,3% fylgi og Píratar með 25,8% - en er munurinn á flokkunum tveimur ekki marktækur.
Litlar breytingar eru þó á fylgi flokkanna milli mánaða. Vinstri hreyfingin - grænt framboð mældist með rúmlega 16% fylgi, en í síðasta Þjóðarpúlsi mældist flokkurinn í kringum 17%.
Viðreisn bætir við sig
Viðreisn bætir við sig milli kannanna og mælist nú með 11% fylgi - miðað við 9% í síðasta Þjóðarpúls.
9% kjósenda myndu kjósa Framsóknarflokkinn ef gengið væri til kosninga í dag. Fylgi Samfylkingarinnar er langt undir kjörfylgi og mælist nú í 8%. Björt framtíð tapar enn fylgi og mælist nú með tæplega 3%.
Um 11% taka ekki afstöðu eða neita að gefa hana upp og 7% sögðust ætla að skila auðu.
Aðrir flokkar mælast undir 1%. Íslenska þjóðfylkingin mælist með 0,6% og Dögum með 0,2%.
Stuðningur við ríkisstjórnina
Stuðningur við ríkisstjórnina er nánast óbreyttur frá síðustu mælingu en tæplega 38% segjast styðja ríkisstjórnina.