Suður-afríski hlauparinn Oscar Pistorius var í morgun dæmdur í fimm ára fangelsi fyrir manndráp af gáleysi, en hann skaut unnustu sína, Reevu Steenkamp, til bana á heimili þeirra á síðasta ári.

Pistorius fékk einnig þriggja ára skilorðsbundinn dóm vegna ákæru um meðferð skotvopna. Ákæruvaldið hafði farið fram á 10 ára fangelsisdóm á hendur Pistorius, en verjendur hans töldu samfélagsþjónustu og stofufangelsi nægilega refsingu.