Aðsend mynd
Tölvuleikjaframleiðandinn Plain Vanilla sem gefur út spurningaleikinn QuizUp hefur lokið við fjármögnun að upphæð 8 til 10 milljónir dala samkvæmt heimildum Viðskiptablaðsins. Það jafngildir 1 til 1,3 milljörðum íslenskra króna.
Samkvæmt upplýsingum Viðskiptablaðsins er fjármögnunin í formi lánveitingar en ekki liggja fyrir upplýsingar um hver lánveitandinn er.
Þorsteinn B. Friðriksson, framkvæmdastjóri og stofnandi fyrirtækisins, vildi ekki tjá sig um málið að svo stöddu.
