*

þriðjudagur, 18. júní 2019
Erlent 12. febrúar 2019 13:03

PlayStation býr sig undir breytta tíma

Sony skiptir um stjórnendur PS til að stýra skútunni í gegnum byltinguna framundan.

Ritstjórn
PlayStation 4 tölvan er einn af hornsteinum Sony samsteypunnar.
Aðsend mynd

Japanski raftækjaframleiðandinn Sony hefur gert stórar breytingar í framkvæmdastjórn leikjaframleiðanda félagsins, PlayStation. Financial Times greinir frá þessu og segir mannabreytingarnar vera lið í undirbúningi fyrir vaxandi samkeppni við framleiðendur farsímaleikja og heimiltölvuleikja. Auk þess óttast Sony að streymisveitur á borð við Netflix muni gerbylta leikjatölvuiðnaðinum sem velti nú um 34 milljörðum dollara, jafngildi 3.150 milljarða króna.

Jim Ryan, framkvæmdastjóri samsteypunnar í Bretlandi, hefur verið ráðinn til þess að leiða leikjadeild Sony. Ryan mun því ýta næstu kynslóð PlayStation-tölvunnar úr vör, sem greinendur á markaði reikna með að verði hleypt af stokkunum árið 2020.

Telja margir að framleiðsla á PlayStation 4 tölvunni kunni að líða undir lok á næstu misserum þrátt fyrir að mikla sölu á síðasta ári. Fjöldi metsöluleikja litu dagsins ljós í fyrra sem átti stóran þátt í því að yfir 91 milljónir tölva voru selda yfir síðustu jólavertíð.

Greinendur segja tölvuleikjaiðnaðinn nú ganga í gegnum miklar breytingar þar sem farsímaleikir hafi vaxið hratt en veltan í þeim geira iðnaðarins telji nú 60 milljarða dollara. Þá eru leikja-streymisveitur sagðar á næsta leiti og þær kunni að gerbylta markaðinum á sama máta og streymisveitur á borð við Netflix hafi breytt framleiðslu og neyslu á sjónvarpsefni

Playstation er einn af hornsteinum Sony samsteypunnar og skilar tæplega fjórðungi allra tekna félagsins. Hins vegar hafi hagnaður dregist saman um 14% í fyrra miðað við árið 2017.     

Stikkorð: Sony Netflix PlayStation Jim Ryan
25 ára afmælistilboð VB – 50% afsláttur af áskrift

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti.
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir í 4 mánuði. Áskrifendur fá Viðskiptablaðið, Frjálsa verslun og Fiskifréttir sent ásamt vefaðgangi að vb.is og fiskifrettir.is