Póst- Keynesistar líta á sig sem hina raunverulegu arftaka hins margfræga (eða alræmda, eftir því hver á í hlut) John Maynard Keynes. Þeir telja að á áratugunum eftir stríð hafi meintir Keynesistar misst sýn á Keynesismanum og eru um margt ósammála kenningu ný-Keynesista.
Þetta þýðir þó ekki að póst-Keynesistar eins og kanadíski hagfræðiprófessorinn Marc Lavoie séu fastir í fortíðinni og geri lítið annað en að lesa upp úr General Theory hver fyrir annan.
© Aðsend mynd (AÐSEND)
Þvert á móti er mjög margt af því sem viðurkennt er að tilheyri póst-Keynesískri hugsun ekki að finna í skrifum Keynes sjálfs.
Á morgun heldur Lavoie fyrirlestur á vegum Hagfræðideildar og Félags viðskiptafræðinga og hagfræðinga og fara yfir afstöðu póst-Keynesískrar hagfræði til margra af helstu álitamálum hagfræðinnar.
Lavoie er prófessor við hagfræðideild Ottawa háskóla í Kanada og leggur þar áherslu á póst-Keynesíska hagfræði.
Marc Lavoie hefur skrifað töluvert um hagfræði íþrótta, einkum íshokkí. Hann á ekki langt að sækja íþróttaáhugann. Hann var sjálfur fulltrúi Kanada í skylmingum á Ólympíuleikunum í Montreal árið 1976 og í Los Angeles árið 1984.
Ítarlega er fjallað um John Maynard Keynes, póst-Keynesískar hagfræðikenningar og Marc Lavoie í Viðskiptablaðinu. Áskrifendur geta nálgast blaðið undir liðnum tölublöð hér að ofan.
