*

sunnudagur, 1. ágúst 2021
Innlent 2. mars 2015 07:40

Póstverslun frá Kína jókst stórlega

Póstverslun til Íslands frá Kína jókst um 137% milli áranna 2013 og 2014.

Ritstjórn
Aliexpress, sem er í eigu Alibaba, er að baki stórum hluta póstverslunar frá Kína.
european pressphoto agency

Póstverslun frá Kína fór úr 123 milljónum króna árið 2013 í 292 milljónir króna á síðasta ári og nemur aukning hennar því 137% á milli ára. Þetta kemur fram í samantekt Hagstofu Íslands sem unnin var fyrir Fréttablaðið.

Fríverslunarsamningur milli Íslands og Kína tók gildi þann 1. júlí í fyrra og féllu þá niður tollar á nær öllum vörum sem fluttar eru inn frá síðarnefnda landinu. Í Fréttablaðinu er greint frá því að aukningu póstverslunar megi að stórum hluta rekja til netverslunarinnar Aliexpress sem er í eigu kínversku samstæðunnar Alibaba.

Gunnar Óskarsson, lektor í viðskiptafræði við Háskóla Íslands, segir í samtali við Fréttablaðið að óvarlegt sé að gefa sér að aukning viðskiptanna haldi sé milli 2014 og 2015, þar sem mesta stökkið hafi örugglega veirð þegar fríverslunarsamningurinn komst á.