Ferðaskrifstofan Primera ehf. tapaði í fyrra 59.833 evrum, sem samsvarar um 7,6 milljónum íslenskra króna. Árið 2014 nam tap félagsins rúmri 1,7 milljón evra.
Helsti munurinn milli ára felst í hlutdeild í afkomu dótturfélaga, en þessi liður var jákvæður um rúmar 200.000 evrur í fyrra, en var neikvæður um rúma 1,5 milljónir evra árið 2014.
Eignir félagsins námu um síðustu áramót 51,3 milljónum evra og voru þær nær allar bundnar í dótturfélögum. Eigið fé var jákvætt um 47,6 milljónir evra.
Primera ehf. á 100% hlutafjár í Primera Travel Group. hf. Stærsti eigandi Primera ehf. er félagið Belamere Ltd. sem skráð er á Kýpur.
