Katarska flugfélagið Qatar Airways hefur verið valið flugfélag ársins af Skytrax á sýningu í París. Flugfélagið hefur því upplifað bæði hæstu hæðir og lægstu lægðir á síðustu misserum en það varð fyrir miklu tjóni í kjölfar þess að nokkur Arabaríki slitu tengsl við Katar. Frá þessu er greint í frétt CNN Money.
Flugfélagið flýgur alls 174 flugvélum um heim allan og hefur lagt sérstaka áherslu á löng flug þvert á heimsálfur og glæsilega lúxusþjónustu fyrir þá sem geta borgað. Verðlaun Skytrax eru oft nefnd „Óskarverðlaun flugbransans“.
