Ráðherrarnir í ríkisstjórn Framsóknarflokks og Sjálfstæðisflokks fengu fyrstu varaglossin þegar landssöfnunarátakinu „Á allra vörum“ var ýtt úr vör við hátíðlega athöfn í Hörpu í dag. Átakið er kynningar- og fjáröflunarátak þar sem ætlunin er að hjálpa þeim sem eiga við geðræn vandamál að stríða. Markmiðið er að með sölu varaglossa frá snyrtivörufyrirtækinu Dior takist að safna fyrir nýrri geðgjörgæsludeild á Landspítalanum með aðstoð þjóðarinnar. Glossin er hægt að kaupa í snyrtivöruverslunum um land allt.
Landsbankinn er bakhjarl söfnunarinnar þriðja árið í röð en starfsfólk bankans hefur þegar keypt rúmlega 300 varagloss. Það eru þær Gróa Ásgeirsdóttir, Guðný Pálsdóttir og Elísabet Sveinsdóttir sem eru potturinn og pannan á bak við átakið. Það stendur yfir fram til 20. september næstkomandi. Margir leggja verkefninu lið en á morgun mun Rás 2 svo standa fyrir sérstökum söfnunarþætti.
Hægt er að styrkja söfnunina með því að hringja í söfnunarnúmerin eða kaupa glossið frá Dior.
Símanúmer söfnunarinnar: 903 1000, 903 3000 og 903 5000
Hér má sjá myndir sem Haraldur Guðjónsson, ljósmyndari Viðskiptablaðsins, tók af gestum þegar átakið fór af stað í Hörpu.
Rithöfundurinn Einar Már Guðmundsson hélt erindi.
Heilbrigðisráðherranum Kristjáni Þór Júlíussyni var fagnað í Hörpu.
Ráðherra hélt erindi um átakið.
Sigmundur Davíð Gunnlaugsson forsætisráðherra fékk varagloss í gjafapakkingu eins og ráðherrar í ríkissstjórninni.
Kátt var í Hörpu þegar átakinu var ýtt úr vör.
Fjölmennt var í Hörpu.
Útvarpskonan Margrét Blöndal hélt tölu.
Og hér eru þær stöllur sem hafa staðið á bak við átakið, þær Guðný Pálsdóttir, Elísabet Sveinsdóttir og Gróa Ásgeirsdóttir.
Kristján Þór Júlíusson heilbrigðisráðherra, Einar Már Guðmundsson rithöfundur og Björn Zoega, forstjóri Landspítalans, ræddu málin.
Varaglossin tilbúin í sölu.
Sjúkrahússforstjórinn Björn Zoega og landlæknirinn Geir Gunnlaugsson létu sig ekki vanta.
Heiðdís Einarsdóttir og Guðrún Sigríður Ólafsdóttir
Bára Sigurjónsdóttir, Guðrún Bergman Fransdóttir, Sara Karen Jóhannesdóttir og Guðrún Kristín Jóhannesdóttir.
Kristín S. Hjálmtýsdóttir, Þórunn Þórðardóttir og Þórunn Bryndís.
Upplýsingatæknifyrirtækið Advania var með sína fulltrúa á svæðinu. Hér eru þau Ægir Þórisson, mannauðsstjóri Advania, Brynhildur Þorgeirsdóttir, framkvæmdastjóri viðskiptastjórnunar hjá Advania, forstjórinn Gestur G. Gestsson, og Anna Rún Ingvarsdóttir, sem sæti á í stjórn fyrirtækisins.
Sigtryggur Baldursson úr Hljómskálanum og Tómas R. tóku lagið.