*

miðvikudagur, 22. janúar 2020
Innlent 5. mars 2018 17:48

Ráðstefna um skipulagsmál á föstudag

Framtíð höfuðborgarsvæðisins, skipulag, innviðir og fjarmögnun verður krufin á ráðstefnu tengdri Verk og vit sýningunni.

Ritstjórn
Lilja Björk Einarsdóttir bankastjóri Landsbankans setur ráðstefnu um skipulagsmál á höfuðborgarsvæðinu sem haldin er í tengslum við Verk og vit sýninguna á föstudag.
Haraldur Guðjónsson

Ráðstefna um skipulagsmál á höfuðborgarsvæðinu verður haldin í Laugardalshöll föstudaginn 9. mars kl. 13–16 í tengslum við sýninguna Verk og vit 2018 í samstarfi við Landsbankann og Samtök iðnaðarins.

Markmið ráðstefnunnar er að varpa ljósi á framtíð höfuðborgarsvæðisins þegar horft er til skipulags, innviða og fjármögnunar. Farið verður yfir helstu tækifæri og áskoranir sem höfuðborgarsvæðið stendur frammi fyrir næstu ár. 

Höfuðborgarsvæðið hefur tekið miklum breytingum að undanförnu og framundan eru fjölmargar áskoranir. Mikið hefur t.d. hvílt á byggingariðnaðinum við uppbyggingu innviða og á sama tíma hefur átt sér stað mikil uppbygging gistirýmis fyrir ferðamenn.

Þeir sem flytja erindi á ráðstefnunni eru:

  • Lilja Björk Einarsdóttir, bankastjóri Landsbankans, sem setur ráðstefnuna.
  • Ármann Kr. Ólafsson, formaður Samtaka sveitarfélaga á höfuðborgarsvæðinu og bæjarstjóri í Kópavogi.
  • Dagur B. Eggertsson, borgarstjóri Reykjavíkur.
  • Ingólfur Bender, aðalhagfræðingur Samtaka iðnaðarins.
  • Ari Skúlason, hagfræðingur hjá Landsbankanum.
  • Una Jónsdóttir, hagfræðingur og deildarstjóri leigumarkaðsmála hjá Íbúðalánasjóði.
  • Örn Tryggvi Johnsen, rekstrarstjóri ÞG verktaka.
  • Ingibjörg Þórðardóttir, löggiltur fasteignasali hjá Híbýli fasteignasölu og fyrrv. formaður Félags fasteignasala.
  • Fundarstjóri er Sigmundur Ernir Rúnarsson fjölmiðlamaður.

Ráðstefnan er öllum opin en þátttökugjald er kr. 6.900. Innifalinn er aðgöngumiði á sýninguna Verk og vit 2018. Skráning á verkogvit.is/radstefna, fyrir 7. mars nk. Sætafjöldi er takmarkaður segir í fréttatilkynningu.