Rafnar Lárusson hefur verið ráðinn framkvæmdastjóri fjármálasviðs Landsvirkjunar.
Þetta kemur fram í tilkynningu frá Landsvirkjun en sem kunnugt er lét Stefán Pétursson, fyrrv. framkvæmdastjóri fjármálasviðs af störfum í vor og höf störf hjá Arion banka.
Rafnar hefur undanfarin þrjú ár gegnt starfi forstöðumanns fjárstýringar hjá Actavis Group hf. þar sem hann hefur borið ábyrgð á fjárstýringu samstæðunnar. Hann starfaði sem forstöðumaður fjárstýringar hjá Bakkavör Group hf. á árunum 2004-2007.
Rafnar var á árunum 1999-2004 sérfræðingur á fjármálasviði Haga hf., og Rio Tinto Alcan hf., auk þess sem hann var sérfræðingur á sviði markaðsviðskipta hjá Kaupþingi banka hf.
Rafnar hefur lokið MSc gráðu í fjármálum frá Boston College og BSc í viðskiptafræði frá Háskóla Íslands.
Rafnar er kvæntur Þorbjörgu M. Einarsdóttur verkefnastjóra og eiga þau tvo syni.
