*

mánudagur, 23. september 2019
Fólk 12. september 2019 11:06

Rakel hættir hjá Arion banka

Rakel Óttarsdóttir framkvæmdastjóri upplýsingatæknisviðs Arion banka hættir. Kemur til viðbótar við uppsögn Jónínu.

Ritstjórn
Rakel Óttarsdóttir hefur starfað hjá Arion banka frá árinu 2005.
Eva Björk Ægisdóttir

Rakel Óttarsdóttir, framkvæmdastjóri upplýsingatæknisviðs Arion banka, hefur óskað eftir að láta af störfum. Rakel hefur setið í framkvæmdastjórn bankans frá árinu 2011 þegar hún tók við starfi framkvæmdastjóra þróunar- og markaðssviðs.

Hún tók við starfi framkvæmdastjóra upplýsingatæknisviðs árið 2016. Hún mun láta af störfum föstudaginn 20. september næstkomandi. Rakel er önnur forystukonan í yfirstjórn Arion banka sem hættir í vikunni, en eins og Viðskiptablaðið sagði frá á mánudag hættir Jónína S. Lárusdóttir framkvæmdastjóri lögfræðisviðs í lok vikunnar. Jafnframt hætti Höskuldur Ólafsson bankastjóri snemma í vor.

Benedikt Gíslason, bankastjóri Arion banka þakkar Rakel fyrir góð störf og óskar henni velfarnaðar í framtíðinni.
„Rakel hefur starfað hjá bankanum frá árinu 2005 og í störfum sínum haft mikil áhrif á þróun bankans, ekki síst á sviði stafrænna lausna þar sem bankinn hefur verið í forystuhlutverki á undanförnum árum,“ segir Benedikt.

Fleiri fréttir um málefni Arion banka: