*

laugardagur, 4. júlí 2020
Erlent 3. maí 2018 19:19

Rannsaka viðskipti Jay-Z og Iconix

Verðbréfaeftirlit Bandaríkjanna sækist eftir vitnisburði Jay-Z um sameiginleg verkefni rapparans og Iconix Brand Group.

Ritstjórn
Jay-Z (Sean Carter) er einn þekktasti og vinsælasti rappari heims.
european pressphoto agency

Verðbréfaeftirlit Bandaríkjanna (Securities Exchange Commission, SEC) hefur með dómsúrskurði krafist þess að bandaríski rapparinn Sean Carter, betur þekktur sem Jay-Z, mæti fyrir dómstól í New York til að bera vitni í máli sem tengist meintum brotum Iconix Brand Group á lögum um verðbréfaviðskipti.

Málið tengist rannsókn á tilkynningu Iconix á 169 milljón dollara dollara virðisrýrnun Rocawear, tískumerki Jay-Z, í mars 2016 og annarri 34 milljón dala virðisrýrnun fyrr á þessu ári. Iconix greiddi Jay-Z yfir 200 milljónir dala árið 2007 fyrir réttindin að Rocawear. Stjórn Verðbréfaeftirlitsins sækist eftir vitnisburði Jay-Z um sameiginleg verkefni hans og Iconix.

Iconix Brand Group er amerískt fyrirtæki á sviði vörumerkjastjórnunar og sér um leyfisveitingar til smásala og framleiðenda einkum í fataiðnaði, skófatnaði og aukahlutum. Félagið er skráð á markað í Bandaríkjunum og nemur markaðsvirði þess 37,6 milljörðum Bandaríkjadala.

Verðbréfaeftirlit Bandaríkjanna hefur áður stefnt Jay-Z í tvígang vegna málsins, en rapparinn lét það undir höfuð leggjast.