Skattrannsóknarstjóri mun rannsaka um 30 mál sem byggð eru á upplýsingum sem keypt voru af huldumanni á um 37 milljónir króna í byrjun sumars. Þetta kemur fram í Morgunblaðinu í dag.
Gögnin tengdust alls rúmlega 400 félögum í eigu Íslendinga en á bak við þessi mál eru alls um 30 einstsaklingar. Fjárhæðirnar í málunum eru i einverjum málum tugir og jafnvel hundruðir milljóna.
Bryndís segir að í einhverjum málum séu brotin fyrnd en skattalagabort fyrnast á sex árum. Þeim einstaklingum sem standa bak við meint brot eru ekki meðvitaðir um að málin séu á borði skattrannsóknarstjóra en á næstu dögum verður þeim formlega tilkynnt um rannsóknina.
Fer þá eftir alvarleika brotanna hvort að málunum verður lokið með niðurstöðu um undandrátt eða hvort þeim verði vísað til lögreglu eða sérstaks saksóknara sem tekur þa ákvörðun um framhaldið.