Rannveig Rist, forstjóri Rio Tinto á Íslandi, er á leiðinni í að minnsta kosti sex mánaða leyfi vegna veikinda. Vísir greinir frá þessu og segir að tilkynnt hafi verið um málið á starfsmannafundi á fjórða tímanum í dag.
Sigurður Þór Ásgeirsson, framkvæmdastjóri fjármála og flutninga hjá félaginu á að taka við stöðu Rannveigar á meðan.
Rio Tinto hefur hótað að loka álverinu verði rafmagnsreikningur þess ekki lækkaður af Landsvirkjun. Þá vill félagið ekki ganga frá nýjum kjarasamningum við starfsmenn fyrr en lausn fæst í viðræður við Landsvirkjun.
Rannveig hefur verið forstjóri Rio Tinto á Íslandi og forvera félagsins frá árinu 1997 en hún hóf störf í álverinu árið 1990.
