*

mánudagur, 24. júní 2019
Innlent 26. júlí 2018 16:36

Rauður dagur í kauphöllinni

Icelandair heldur áfram að lækka, Marel lækkar þrátt fyrir gott uppgjör, og tryggingafélögin lækka. OMXI8 féll um 2,23%.

Ritstjórn
Ekkert félag hækkaði að ráði í kauphöllinni í dag.
Haraldur Guðjónsson

Hlutabréf í Icelandair lækkuðu um 3,4% í tæplega 100 milljón króna viðskiptum í dag. Bréf félagsins hafa verið á niðurleið síðan það birti afkomuviðvörun snemma í þessum mánuði.

Þá lækkaði Marel um 3,1% í yfir milljarð króna viðskiptum, þrátt fyrir gott ársfjórðungsuppgjör í gær, eins og sagt var frá fyrr í dag.

Öll 3 tryggingafélögin lækkuðu, en þó fyrst og fremst Sjóvá, um 3,2% í 220 milljón króna viðskiptum, og VÍS, um 2,2% í 350 milljón króna viðskiptum, en VÍS tilkynnti um útgreiðslu til hluthafa í gær.

Af þeim 14 félögum sem hreyfðust hækkuðu aðeins 4 þeirra, og ekkert að ráði. OMXI8 hlutabréfavísitalan lækkaði því um 2,23%.

Stikkorð: Kauphöll
25 ára afmælistilboð VB – 50% afsláttur af áskrift

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti.
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir í 4 mánuði. Áskrifendur fá Viðskiptablaðið, Frjálsa verslun og Fiskifréttir sent ásamt vefaðgangi að vb.is og fiskifrettir.is