Temasek, þjóðarsjóður Singapúr, hefur ákveðið að lækka laun stjórnenda og starfsfólks sem kom að fjárfestingum í rafmyntakauphöllinni FTX sem í fyrra.
Í nóvember var greint frá því að sjóðurinn hefði afskrifað 275 milljóna dollara fjárfestingu sína í FTX, sem nemur 38,2 milljörðum króna á gengi dagsins í dag, að fullu.
Sjóðurinn keypti innan við 1% hlut í FTX International fyrir 210 milljónir dala, eða um 29,1 milljarða króna, og innan við 1,5% hlut í bandarísku dótturfélagi þess fyrir 65 milljónir dala eða um 9 milljarða króna í tveimur fjárfestingarlotum frá október 2021 til janúar 2022.
Fjárfestingin í FTX vó samtals 0,09% af 293 milljarða dala eignasafni Temasek.
Saksóknarar í Bandaríkjunm hafa sakað Sam Bankman Fried, fyrrverandi forstjóra FTX, um „epískt“ fjársvik sem hefur kostað fjárfesta margar milljarða.
Bankman-Fried hefur lýst yfir sakleysi sínu gagnvart öllum ásökunum í sinn garð.
„Fjárfestingarteymið og æðstu stjórnendur, sem bera á endanum ábyrgð á fjárfestingarákvörðunum, tóku ábyrgð í sameiningu og hefur uppbót þeirra verið lækkuð,“ segir í tilkynningu frá Temasek.
Þjóðarsjóðurinn segir einnig að fjárfestingin hafi verið vonbrigði og hafi valdið hnekkjum á orðspori sjóðsins.
Heildarvirði Temasek í mars 2022 var meira en 41 þúsund milljarða króna.
Auk Temasek hefur tæknisjóður SoftBank, Vision Fund, og Sequoia Capital afskrifað fjárfestingar sínar í FTX að fullu.
FTX, sem var ein stærsta rafmyntakauphöll heims, sótti um greiðslustöðvun á í nóvember í fyrra.
