Erlendur Kristjánsson, regluvörður leigufélagsins Heimavalla, seldi nú laust fyrir hádegi alla þá 11,6 milljón hluti sem hann átti í félaginu fyrir 13,3 milljónir króna.
Félagið birti hálfsársuppgjör í gær, þar sem meðal annars kom fram að á fyrri helmingi ársins hefði leigufélagið tapað 136 milljónum króna, og í kjölfarið hafa hlutabréf þess lækkað um 3,4% það sem af er degi.
Frá skráningu félagsins á aðalmarkað í maí á þessu ári hafa bréf félagsins lækkað um tæp 5%.
